O vindeiro luns celebrarase a entrega dos premios Valedora do Pobo no reitorado da Universidade da Coruña
Estes galardóns, dotados de 1.000 euros e unha publicación na web do Valedor do Pobo, nace dun convenio asinado entre esta institución e as tres universidades galegas.
Por E.P. | SANTIAGO DE COMPOSTELA | 13/04/2022 | Actualizada ás 18:24
O Reitorado da Universidade da Coruña (UDC) acollerá este luns, a partir das 11,00 horas, o acto de entrega da segunda edición dos Premios Valedora do Pobo a dous traballos de fin de grao (TFG) e outros dous de fin de máster (TFM) con perspectiva de xénero presentados durante o curso 2020/2021.
Estes galardóns, dotados de 1.000 euros e unha publicación na web do Valedor do Pobo, nace dun convenio asinado entre esta institución e as tres universidades galegas --Vigo, Santiago de Compostela e A Coruña--.
Nesta segunda edición, segundo informan os organizadores, danse catro premios 'ex aequo' tal e como o contemplan as bases. Acudirán ao acto, ademais das galardoadas, a propia valedora, María Dolores Fernández Galiño; os reitores da UDC e a USC, Julio Abalde e Antonio López, respectivamente; e a conselleira de Emprego e Igualdade, María Jesús Lorenzana.
Dos dous TFG recoñecidos, o proxecto 'Aínda que custe respirar: estudo do amianto con perspectiva de xénero', de Sara González Veiga, constata a discriminación na seguridade e a saúde no traballo e aborda da necesidade de incorporar a perspectiva de xénero tras investigar o caso concreto dos efectos adversos do amianto nas mulleres.
Ademas, recibe o galardón 'Ser coidadora átache: desafíos ocupacionais de mulleres coidadoras do rural galego durante a pandemia do Covid-19', de Manuela Ángela Branco Suárez, que explora a relación entre saúde, bienestar e ocupacións cotiás dun grupo de coidadoras do rural desde unha pespectiva crítica e da xustiza ocupacional.
En canto aos TFM premiados, en 'A muller no deporte: estereotipos, valores e logros. Un estudo de caso de mulleres deportistas en halterofilia', Ana Feijóo Rodríguez analiza os factores psicosociais e estereotipos de xénero no deporte ao longo da historia e como seguen presentes na actualidade. Finalmente, 'O Movemento Feminista Organizado en Galicia (1975-1983)', de Raquel Fernández Reguera, aborda a evolución desta corrente na Comunidade no período citado.
