Por Europa Press / Redacción | SANTIAGO DE COMPOSTELA | 19/05/2022 | Actualizada ás 18:32
O presidente da Xunta, Alfonso Rueda, manifestou este xoves, en relación ás cifras de falecidos con covid-19 que se manteñen, que supoñen "un recordatorio" e "un toque de atención clarísimo" en relación a que a pandemia non finalizou.
"Ás veces esquecemos que a pandemia aínda non acabou, por desgraza", sentenciou o mandatario galego, tras ser preguntado respecto diso na comparecencia posterior á reunión semanal do seu Executivo.
"Segue habendo contaxios, ingresos e falecementos", engadiu, antes de matizar que, en todo caso, as cifras non son comparables "ao ritmo dos meses máis duros".
"Hai unha serie de medidas que se deben seguir observando e pido que se faga pensando que non saímos desta situación. Pero tamén é certo que hai que seguir vivindo e que a situación non é a de fai uno meses, cando eran moito máis preocupantes", resolveu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.