Detida unha segunda persoa polo apuñalamento dun home na Coruña
A agresión produciuse na madrugada do domingo ao luns no Barrio das Flores
Por E.P. | Santiago de Compostela | 26/05/2022 | Actualizada ás 18:15
A Policía Nacional detivo a unha segunda persoa polo apuñalamento dun home na Coruña, segundo informaron fontes policiais.
A agresión produciuse na madrugada do domingo ao luns no Barrio das Flores, ao redor das 01,30 horas, e a detención do suposto agresor produciuse a última hora do martes.
A vítima foi trasladada ao Complexo Hospitalario Universitario da Coruña (Chuac), onde permanece ingresada, mentres os axentes iniciaron unha investigación.
Fontes consultadas confirmaron que nesta xornada, ao redor das dúas da tarde, detívose, en relación a estes feitos, outra persoa, en concreto na rúa Oza dos Ríos. Espérase que pase este venres a disposición xudicial tras facelo xa o primeiro detido.
