Por Europa Press / Redacción | SANTIAGO DE COMPOSTELA | 15/06/2022 | Actualizada ás 14:22
O presidente da Diputacion da Coruña, Valentín González Formoso, asegurou que a Administración que el preside "vai impulsar a recuperación" de varias antigas baterías de costas militares que a día de hoxe están abandonadas e que se atopan en terreo dos municipios de Ferrol, Ares e Valdoviño, e que o obxectivo é "recuperar a través dun proxecto piloto tres instalacións concretas, unha en cada concello, como son Montefaro en Ares, Campelo en Valdoviño e o edificio de Moteventoso e as baterías de Prior en Ferrol".
Estas manifestacións realizounas González Formoso na mañá deste mércores, 15 de xuño, no Concello de Ferrol, onde se reuniu cos rexedores do tres municipios, Ángel Mato (Ferrol), Julio Iglesias (Ares) e Alberto González (Valdoviño), todos eles do PSOE.
O presidente da Deputación da Coruña detallou que esta iniciativa posibilitará "recuperar un aceno de identidade desta cidade e desta zona que por desgraza durante décadas deixáronse abandonar, que están nunha situación indigna para o que foron, de falta de respecto ao esforzo humano de xentes de Ferrolterra e daqueles que fixeron nelas o servizo militar". "E é algo que temos que corrixir", abundou.
PETICIÓN A DEFENSA
González Formoso detallou que neste encontro detallaron " o esquema de traballo". "E agora temos que aclarar a titularidade das instalacións para poder facer investimentos públicas despois", sinalou, xa que "algunhas baterías están cedidas, outras non, outras están poxadas.
"Quedamos en falar de forma inmediata coa Secretaría de Estado de Defensa, a través do alcalde de Ferrol, para que se cre un equipo inmediato para clarificar a titularidade", explicou, e no que a Deputación, a petición dos alcaldes, "vaise a encargar dun proxecto de rehabilitación dos inmobles e un plan director para darlle actividade e coherencia a todo o proxecto", con sede en Ferrol. "Tamén imos solicitar que desde o ámbito turístico póidase financiar unha parte deste proxecto", apuntou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.