Por E.P. | OURENSE | 26/06/2022 | Actualizada ás 20:26
O alcalde Ourense, Gonzalo Pérez Jácome, cualificou de "intolerable" que o PP diga que "o AVE aínda non chegou a Galicia". "É un desprezo a Ourense absoluto", criticou. Segundo trasladou o concello ourensán nun comunicado, Pérez Jácome fixo estas declaracións en resposta ás palabras da secretaria xeral do PPdeG, Paula Prado, nas que sinalaba que "o AVE chegou a Ourense, pero non a Galicia".
Para o rexedor da cidade das burgas, esta é "unha frase lapidaria". "Como alcalde debo dicir que esta frase mostra unha absoluta discriminación e explica por que levamos tantos anos discriminados. Ourense é simplemente un sitio de paso e que o que realmente importa de Galicia son Santiago de Compostela, Vigo, A Coruña e outros sitios", censurou Pérez Jácome.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.