A Deputación de Pontevedra renova un convenio para impulsar o emprendemento en Barro e Lalín
A administración provincial ultima a licitación da senda que conectará a praia das Sinas e o núcleo de Vilanova de Arousa.
Por E.P. | SANTIAGO DE COMPOSTELA | 27/06/2022 | Actualizada ás 17:37
A Deputación de Pontevedra asinou un novo convenio coa Fundación Roberto Rivas, por un importe de 20.000 euros, para impulsar iniciativas emprendedoras nos viveiros de empresas de Barro e Lalín.
En concreto, segundo informa a institución provincial, ao amparo deste acordo --enmarcado no proxecto 'SmartPeme'-- poñeranse en marcha programas de crecemento empresarial, de aceleración dixital, de retos e solucións innovadoras, un encontro anual e un comité de seguimento de iniciativas emprendedoras, entre outras accións.
Os viveiros de empresas da Deputación, situados en contextos rurais, serán os escenarios destas novas iniciativas que, ademais de redundar positivamente na vida das persoas, impulsan un desenvolvemento sustentable destas zonas.
OBRAS EN SENDA PEONIL
Por outra banda, a Deputación de Pontevedra apura os últimos trámites para licitar as obras da nova senda peonil que percorrerá a zona litoral que une a praia das Sinas co núcleo urbano de Vilanova de Arousa.
Trátase dun itinerario de 810 metros de lonxitude que contará cun orzamento de 273.067 euros, dos cales a administración provincial achegará o 80 por cento e o Concello, o restante, en virtude dun convenio xa asinado.
