Morre un home de 53 anos tras atragoarse cando ceaba nun restaurante de Malpica
O home asistía a unha comida familiar.
Por Europa Press / Redacción | SANTIAGO DE COMPOSTELA | 08/07/2022 | Actualizada ás 12:05
Un home de 52 anos de idade faleceu na noite deste pasado xoves tras atragoarse cando ceaba nun restaurante do termo municipal de Malpica de Bergantiños.
Segundo informaron a Europa Press fontes da Garda Civil, os feitos sucederon sobre as 22,05 horas deste xoves pasado nun restaurante de Malpica no que o home participaba nunha cea familiar.
Foron avisados efectivos do Instituto Armado, así como de Urxencias Sanitarias de Galicia-061, que mobilizou o helicóptero medicalizado con base en Santiago, así como unha ambulancia de soporte vital básico e un equipo sanitario da PAC. Fontes sanitarias indicaron que persoal sanitario practicou ao home no lugar manobras de reanimación cardiopulmonar, pero faleceu no punto.
Por iso, foi avisado o médico forense, que certificou a morte do home, que estaba a piques de cumprir os 53 anos o próximo mes. Tras autorizar o levantamento do corpo, foi traslado ao Complexo Hospitalario Universitario A Coruña para practicárselle a autopsia.
