A Deputación de Lugo presenta o programa 'Feminino rural' a emprendedoras da Terra Cha

O deputado de Participación Cidadá, Roberto García Pernas, participou este xoves en Vilalba na presentación para a comarca da Terra Cha do programa 'Feminino rural. Evolución', que ofrece gratis formación e asesoramento a mulleres emprendedoras para mellorar ou lanzar os seus negocios.

A iniciativa está financiada pola institución provincial cunha achega de 40.000 euros e a Asociación de Empresarias de Lugo encárgase do seu desenvolvemento. O acto, que tivo lugar no Consistorio de Vilalba, contou coa presenza da alcaldesa, Elba Veleiro.

Noutra orde de asuntos, o presidente da Deputación, José Tomé, recibiu no Pazo de San Marcos ao subdelegado de Defensa na provincia de Lugo, Fernando Brinquis, e ao seu sucesor, Juan José Fernández, que asumirá o cargo o vindeiro sábado.

O presidente da Deputación de Lugo, José Tomé, na firma dun convenio coa Unión de Traballadores Autónomos do Transporte, Mar e Comunicación de Galicia | Fonte: Deputación de Lugo.