Rescatado en helicóptero un menor ao quedar illado no illote O Rato, en Poio

Un menor necesitou ser rescatado por un helicóptero na tarde do luns ao quedar illado no illote do Rato, no municipio pontevedrés de Poio.

Segundo a información facilitada ao 112 Galicia polos efectivos de Protección Civil, xa en terra, o menor non aparentaba sufrir ningún tipo de lesións. Sobre as 20,30 horas do luns, un particular deu aviso de que había un menor neste illote, polo acceso desde a praia da Ostreira.

Segundo relataba, o menor tentou saltar unhas pedras para chegar a terra, pero a subida da marea impedíallo. Foron avisado, entre outros, Salvamento Marítimo, Gardacostas de Galicia, Policía Local, GES de Sanxenxo e Protección Civil.

Illa do Rato, en Poio / https://es.foursquare.com