Un veleiro inglés perde o temón tras un novo incidente con candorcas en augas galegas
Tivo que ser remolcado ao porto da Coruña tras quedar á deriva preto das illas Sisargas.
Por Europa Press / Redacción | Santiago de Compostela | 08/08/2022 | Actualizada ás 17:30
O veleiro inglés Jan Steen, con dous adultos e tres menores abordo, tivo que ser remolcado ao porto da Coruña tras quedar á deriva ao sufrir unha interacción con candorcas e perder o temón cando navegaba a dúas millas ao noroeste das Illas Sisargas.
Fontes de Salvamento Marítimo concretaron que a embarcación solicitou a axuda de Salvamento ás 11,25 horas deste luns.
Para levar a cabo o rescate, Salvamento mobilizou a embarcación Salvamar Betelgeuse e a de Cruz Vermella, LS Condesa Pardo Bazán. Neste caso non resultaron feridos ningún das persoas que ían abordo do veleiro.
Nas últimas semanas os incidentes con estes cetáceos foron recorrentes. Así, o último ocorrera o domingo ao mediodía, cando un veleiro con catro persoas abordo tivo que ser remolcado ao porto de Camariñas tras quedar sen temón polas candorcas.
