Pontón propón mobilizar 1.000 millóns para facer fronte a crise

Denfede unha axuda de 300 euros para autónomos para paliar "os efectos" do prezo de enerxía e carburantes.

Por E.P. | SANTIAGO DE COMPOSTELA | 01/09/2022 | Actualizada ás 16:58

Comparte esta noticia

A portavoz do Bloque Nacionalista Galego, Ana Pontón, propuxo esta mañá que a Xunta de Galicia articule unha axuda de 300 euros para os autónomos, destinada a "paliar os efectos da subida dos carburantes e da enerxía".

Así o fixo saber nunha visita a Ourense onde relatou que se trataría dunha medida "puntual e de choque", que vai recollida no Plan de Resposta á Crise dos Prezos, con mobilización de 1.000 millóns de euros que a formación defenderá no Parlamento galego para "axudar a moitos autónomos e pemes que o están pasando mal".

Explicou que o plan recolle un conxunto de medidas para facer fronte á actual crise porque "non se entende que mentres outros gobernos autonómicos toman decisións nesa dirección a Xunta simplemente ponse de perfil", ante a que cualificou como "a maior crise de prezos dos últimos 40 anos". Por iso manifestou que o Executivo galego "debe abandonar a súa pasividade e porse á fronte para axudar nunhas circunstancias de máxima dificultade".

PRAZA DE ABASTOS

Aproveitando a visita a Ourense a portavoz nacional reuniuse coa asociación de placeiros do mercado municipal, onde urxiu unha "solución integral" para o espazo. "É emblemático e cun enorme potencial", enxalzou, avanzando que, por iso, solicitará que os próximos orzamentos da Xunta de Galicia inclúan unha partida concreta para que "o Goberno autonómico se implique na reforma integral e recupere tamén o Rianxo". "É unha forma de facer cidade, afianzando o comercio local".

A portavoz nacional do BNG, Ana Pontón, visita o mercado de abastos de Ourense para propor medidas pola crise. BNG
A portavoz nacional do BNG, Ana Pontón, visita o mercado de abastos de Ourense para propor medidas pola crise. BNG | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta