Luís Landero e Tatiana Tibuleac recibirán a proxima semana o XV Premio Novela Europea Casino de Santiago
Abordan nas súas novelas "ese dilema tan europeo" que é "que liberdade que nos está permitida aos humanos".
Por E.P. | SANTIAGO DE COMPOSTELA | 13/09/2022 | Actualizada ás 17:26
Os escritores Luís Landero e Tatiana Tibuleac recibirán o vindeiro martes en Compostela o XV Premio de Novela Europea Casino de Santiago polos seus títulos 'Choiva fina' e 'O verán que a miña nai tivo os ollos verdes'.
Tal e como lembrou o presidente do Casino, Ubaldo Rueda, tanto Tatiana Tibuleac, escritora de orixe moldavo-romanés, como Luís Landero abordan nas súas novelas "ese dilema tan europeo" que é "que liberdade que nos está permitida aos humanos".
Este mesmo tema desenvolverase nunha mesa redonda, coordinada polo profesor de filosofía Xesús Fernández Sulleiro na que, ademais dos dous escritores, participará tamén o psicanalista e profesor da Universidade de Paris Fernando Vicente. Este acto, aberto ao público ata completar aforamento, terá lugar o día 21 ás 19,00 horas no Casino de Santiago.
Ademais, os escritores terán encontros co alumnado dos institutos de Compostela en dous actos nos institutos Rosalía de Castro e Pontepedriña.
