Arde unha casa na Estrada durante a madrugada deste domingo

Un incendio calcinou por completo unha vivenda que se atopaba en proceso de rehabilitación na parroquia de San Martiño de Barbude, na localidade pontevedresa da Estrada.

Segundo trasladou o 112 Galicia, sobre as 01,30 horas deste domingo a central de emerxencias recibía o aviso deste incendio por parte dun particular, que sinalaba que se vía lume no tellado do inmoble.

Con esta información, os xestores do 112 Galicia solicitaron a intervención do GES da Estrada e dos Bombeiros do Deza, así como dos servizos sanitarios, a Garda Civil e Protección Civil do municipio. Ata o lugar tamén se desprazaron recursos de Medio Rural, que colaboraron na extinción do lume