Por Europa Press / Redacción | SANTIAGO DE COMPOSTELA | 22/09/2022 | Actualizada ás 10:28
A Garda Civil da Coruña detivo a tres persoas --un home e dúas mulleres-- na cidade herculina e na veciña localidade de Arteixo como presuntas autoras de diversas estafas con falsos alugueres de pisos.
Segundo explican, os feitos ocorreron por mor das denuncias interpostas nas localidades de Culleredo, Oleiros, Boiro e Lorca (Murcia). Os afectados denunciaban estafas cando tentaban alugar pisos nun barrio coruñés a través dunha coñecida páxina web de aluguer e venda de vivendas.
Mediante esa web mantiveron contacto co que dicía ser o arrendador do inmoble por medio de correos electrónicos e aplicacións de mensaxería instantánea.
Unha das persoas agora detida, a través de aplicacións de mensaxería, utilizaba falsos contratos de aluguer a nome de terceiras persoas para enganar ás vítimas, solicitando o ingreso de distintas cantidades de diñeiro en calidade de fianza e primeiro mes. Unha vez realizada a transacción suspendía toda a comunicación coas vítimas.
Durante a investigación, a Garda Civil constatou certas coincidencias en cada unha das denuncias que levaron a establecer laexistencia dun grupo de persoas que usurpara as identidades devarias persoas, anteriores compañeiros de traballo, para realizar compras de teléfonos, material informático e dar de alta múltiples liñas telefónicas que eran utilizadas para a comisión destas estafas.
Así, procederon á detención dun home e dúas mulleres con antecedentes policiais por feitos similares que formaban un grupo criminal coordinado, no cal cada un deles exercía un roldefinido. A Garda Civil remitiu as dilixencias ao Xulgado de Garda da Coruña, onde se lles imputa delitos de estafa continuada, falsidade documental e delito de pertenza a grupo criminal.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.