Atendidas 61 persoas por 49 accidentes de tráfico este fin de semana

Urxencias Sanitarias de Galicia-061 asistiu durante o pasado fin de semana (desde as 15,00 horas do venres ás 23,59 horas do domingo) a 61 persoas debido a 49 accidentes de tráfico rexistrados nas estradas galegas.

O pasado sábado foi o día con máis sinistros, con 23 accidentes de tráfico, e a proporción de persoas atendidas foi de 68 % de homes e 32 % de mulleres, mentres que máis dun terzo do total eran persoas de entre 45 e 59 anos de idade.

Por provincias, Pontevedra rexistrou 20 accidentes de tráfico durante o fin de semana, seguida pola Coruña, con 19 accidentes; Lugo con 7 sinistros; e Ourense con 3.

Accidente de Tráfico en Lugo.. POLICÍA LOCAL