Rueda aumenta o seu soldo un 4% nos orzamentos
En canto ao persoal eventual de gabinete, o gasto redúcese lixeiramente
Por Europa Press / Redacción | SANTIAGO DE COMPOSTELA | 20/10/2022 | Actualizada ás 16:01
Os soldos do presidente da Xunta, Alfonso Rueda, e os conselleiros soben un 4% no proxecto de orzamentos da comunidade autónoma para 2023, que entraron este xoves no Parlamento.
Así, a retribución do titular do Goberno galego pasa dos 79.651 que figuraban en 2022 para o seu predecesor no cargo, Alberto Núñez Feijóo, aos 82.843 que recibirá o ano que vén Alfonso Rueda. Mentres, os soldos dos dous vicepresidentes e os dos conselleiros pasan de 69.517 euros a 72.303, o que supón tamén unha alza do 4%.
En canto ao persoal eventual de gabinete, o gasto redúcese lixeiramente, ao pasar de 6,37 millóns de euros este ano aos 6,2 millóns contemplados para o que vén.
