A Administración galega, a segunda que máis rápido paga as facturas
É unha media de 12,49 días.
Por E.P. | Santiago de Compostela | 24/10/2022 | Actualizada ás 18:50
Galicia pechou o mes de agosto como a segunda comunidade autónoma que máis rápido paga as súas facturas, cunha media de 12,49 días, só por detrás de Estremadura (11,75 días), segundo datos oficiais publicados este luns polo Ministerio de Facenda e Función Pública.
Así, o período de pago medio rexistrado por Galicia foi de case dezaseis xornadas menos que a media estatal, que foi de 28,36 días. Ademais, situouse 18 días por baixo do límite legal de 30 días.
En canto á débeda comercial, o cociente débeda/Produto Interior Bruto (PIB) de Galicia situouse no oitavo mes do ano no 0,10%, mentres que no total de España foi de 0,28%. A débeda comercial do conxunto das comunidades era de 3.711,3 millóns, dos que 67,4 millóns corresponden a Galicia.
"Os datos publicados este luns volven ratificar que a Comunidade está entre as que mellor atenden os seus provedores, axilizando os pagos e evitando problemas de liquidez ás empresas que prestan servizo á Administración galega", reivindicou a Xunta.
