Un político de raza

Un político de raza é aquel que ten, algunhas veces, que "rinchar os dentes e comer merda", segundo un sabio refraneiro do meu avó aplicado á 'res politica'. Iso foi o que onte fixo Ismael Rego ó asumir como propio a actitude incomprensible de Emilio Pérez Touriño...

Por Galicia Confidencial | Galicia | 28/12/2007

É a primeira vez que Touriño se ausenta dun pleno. Nin viaxes a Iberoamérica, nin axendas apretadas, nin enfermidades teñen provocado que non acuda puntualmente a súa cita parlamentaria. Pero onte, aconteceu. E todo porque anunciara antes de tempo un acordo que non estaba pechado en contra da vontade do seu propio grupo parlamentario.

Logo tivo que vir o bo de Rego a fraxelarse, a queimarse na fogueira e a recoñecer que a culpa tiña sido del por non saber negociar. Ás veces a raza, a boa raza está en saber recoñecer erros, pero non os alleos. Rematando co meu avo; "cada quen que apande coas súas".