Visita gratis os museos científicos da Coruña
Será só entre o 14 ao 20 de novembro.
Por Europa Press / Redacción | A CORUÑA | 09/11/2022 | Actualizada ás 21:46
Os tres museos científicos da Coruña poderán visitarse de forma gratuíta do 14 ao 20 de novembro con motivo da celebración da Semana da Ciencia, segundo informa o consistorio.
Para acceder ao Aquarium Finisterrae será necesario realizar reserva previa, mentres que para a visita á Casa das Ciencias e á Domus a entrada será libre sempre que a capacidade non estea completa.
Para visitar eses días o Aquarium Finisterrae é imprescindible realizar unha reserva de entradas, que poderá facerse cun máximo de tres días de antelación. A reserva poderá facerse a partir deste venres, 11 de novembro. Para facilitar o acceso ás persoas maiores de 65 anos, estas poderán acceder sen reserva, acompañadas doutra persoa se o necesitan.
