Fronte común de Galicia, Asturias e Castela e León en defensa do Corredor Atlántico

Piden "modernizar e mellorar" as infraestruturas, e mpulsar e identificar as prioridades de actuación en cada un dos territorios.

Por E.P. | Santiago de Compostela | 29/11/2022 | Actualizada ás 19:12

Comparte esta noticia

Galicia, Asturias e Castela e León acordaron este martes a necesidade de reforzar as súas accións conxuntas para "modernizar e mellorar" as infraestruturas do Corredor Atlántico e impulsar e identificar as prioridades de actuación en cada un dos territorios.

A ‘T deitada’ que propón o Eixo integraría a Lugo no Corredor Atlántico de mercadorías para mellorar as conexións por tren coa meseta
A ‘T deitada’ que propón o Eixo integraría a Lugo no Corredor Atlántico de mercadorías para mellorar as conexións por tren coa meseta

Así, este martes a conselleira de Infraestruturas e Mobilidade, Ethel Vázquez, e o director xeral de Mobilidade, Ignacio Maestro, mantiveron un encontro telemático coa conselleira de Mobilidade e Transformación Dixital de Castela e León, María González Corral, e co conselleiro de Medio Rural e Cohesión Territorial do Principado de Asturias, Alejandro Calvo Rodríguez.

Segundo sinalou a Xunta, o obxectivo destas tres comunidades autónomas é "dotar de máis forza a reivindicación ante o Goberno de España e a Unión Europea (UE) para que se desenvolvan os investimentos necesarios para alcanzar a modernización e mellora da rede de comunicacións".

Nesta liña, celebrarán "proximamente" un novo acto público para pór en común as estratexias en materia de infraestruturas loxísticas, co obxectivo de identificar os principais problemas da rede de transportes e sinalar as actuacións prioritarias que se deben desenvolver para optimizala.

Deste xeito, buscan incrementar a eficiencia da loxística, mellorar a competitividade industrial e fomentar unha mobilidade máis sustentable. Así, sinalaron que o Corredor Atlántico "debe traducirse para o noroeste nunha maior intermodalidade e nun aumento da capacidade da rede".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta