As obras na N-550 obrigarán a desviar o tráfico polo centro de Pontecesures as noites do 27 e 28 de decembro

O Concello de Pontecesures informou de que as obras de substitución da pasarela peonil da N-550 na contorna da propia sede municipal obrigarán a desviar o tráfico polo centro da localidade nas noites do 27 e 28 de decembro.

Tal como indicou o goberno local nun comunicado, as obras darán comezo esta próxima semana, polo que os vehículos que circulen entre as 03.00 e as 07.00 horas de martes e mércores terán que desviarse.

Por iso, o alcalde, Juan Manuel Vidal, lamentou as molestias destas modificacións temporais, á vez que solicitou "máxima precaución e colaboración" durante eses días para poder levar a cabo as obras sen incidencias.

A Fábrica De Nestlé En Pontecesures | Fonte: Arquivo