O New York Times escolle 'O último día de Terranova', de Manuel Rivas, entre os 100 mellores libros do ano
Esta obra, que foi Premio da Crítica e Premio Gala do Libro Galego, foi traducida a múltiples idiomas e en 2022 chegou ás librarías estadounidenses a través da editora Archipelago Books, traducida do galego ao inglés por Jacob Rogers.
Por Europa Press / Redacción | SANTIAGO DE COMPOSTELA | 04/01/2023 | Actualizada ás 18:44
'O último día de Terranova', do escritor galego Manuel Rivas, foi seleccionado entre os 100 mellores libros do ano para The New York Times. A novela foi publicada en galego en 2015 por Xerais.
Nunha reportaxe publicada polo xornal americano, a edición para Estado Unidos de 'The last days of Terranova' aparece xunto a outros 99 títulos que abarcan temas como a resistencia feminista ou os imperios da Idade Antiga.
Esta obra, que foi Premio da Crítica e Premio Gala do Libro Galego, foi traducida a múltiples idiomas e en 2022 chegou ás librarías estadounidenses a través da editora Archipelago Books, traducida do galego ao inglés por Jacob Rogers.
'O último día de Terranova' é unha novela de enxeño multiforme onde conflúen os xéneros literarios, entrelazándose a serie negra, o humor de poética surrealista mesturado coa oralidad popular.
A crítica literaria estadounidense acolleu a obra con entusiasmo e destaca "as frases que arden de filosofía e de beleza ben traballada". Rivas foi condecorado recentemente coa Medalla ao Mérito en Belas Artes, que outorga o Consello de Ministros.
