As declaracións positivas para eólicos en Monte do Gato son "unha auténtica aberración" segundo grupos de afectados
Segundo inciden, "está a falarse dun único proxecto fragmentado en seis para eludir precisamente trámites ambientais máis estritos".
Por Europa Press / Redacción | SANTIAGO DE COMPOSTELA | 09/01/2023 | Actualizada ás 15:00
Plataformas de afectados por proxectos eólicos en Monte do Gato ven "unha auténtica aberración" as declaracións positivas para dous parques, á luz da negativa sobre o polígono de Fontella.
A través dun comunicado, piden "que se apliquen os mesmos criterios" ao seis que afectan a este monte, na comarca de Betanzos.
E é que, segundo inciden, "está a falarse dun único proxecto fragmentado en seis para eludir precisamente trámites ambientais máis estritos".
Segundo subliñan, a declaración negativa, da semana pasada, é "só un pequeno gran no celeiro", pero advirte de que "a propia argumentación do informe" vén darlles "a razón" sobre que as positivas emitidas para os parques de Felga e Gato --o mes pasado-- "son unha auténtica aberración".
Respecto diso, avisan de que están dispostos a levalas "onde faga falta" ata que así o recoñezan e indican que xa o fixeron saber coa solicitude de impugnación ao órgano competente.
"Queremos deixar patente o sen sentido que supón que a Consellería de Medio Ambiente informe negativamente sobre o polígono eólico de 10 aeroxeradores que afectan directamente o núcleo e permita que se constrúan outros 27 muíños de 200 metros rodeando este", remarcan.
