A Xunta publica o decreto de selección de directores de centros educativos adaptado á nova lei

A Consellería de Cultura, Educación, Formación Profesional e Universidades publica este mércores no Diario Oficial de Galicia (DOG) a adaptación do decreto de selección de directores de centros educativos á nova lei.

No mesmo, mantense o requisito de que os aspirantes deberán superar de maneira previa un curso sobre formación na función directiva, algo que a LOMLOE fixo opcional. Tamén cambia a composición da comisión de selección das direccións dos centros, á vez que se promoverá o éxito escolar de todo o alumnado desde os proxectos de dirección das persoas candidatas.

O Consello da Xunta deu en decembro o visto e prace ao proxecto de decreto polo que se regula a selección, nomeamento e cesamento dos directores e directoras dos centros docentes públicos, un texto que vén actualizar o vixente, adaptándoo aos cambios introducidos pola nova lei educativa, LOMLOE.

Neste sentido, os dous cambios máis significativos son o mantemento do requisito de superar un curso sobre competencias para o desenvolvemento da función directiva e o cambio na composición da comisión de selección das direccións dos centros.

Nenos, alumnos, escolares, educación, escola, centro escolar.. XUNTA DE GALICIA - Arquivo