O litoral galego estará en alerta laranxa por temporal costeiro e por vento nas costas da Coruña e de Lugo
Espéranse refachos de 100 km/h.
Por Europa Press / Redacción | SANTIAGO DE COMPOSTELA | 14/01/2023 | Actualizada ás 17:23
A Dirección Xeral de Emerxencias e Interior da Vicepresidencia Segunda da Xunta activou para este domingo a alerta laranxa portemporal costeiro en todo o litoral galego e por vento na costa noroeste da Coruña e na Mariña lucense.
Segundo a Axencia Estatal de Meteoroloxía (AEMET), os dous fenómenos meteorolóxicos adversos de nivel laranxa comezarán a última hora da tarde do domingo.
No que respecta ao temporal costeiro, espérase mar combinado do noroeste con ondas de ata oito metros en todo o litoral. O vento do oeste ou suroeste será de forza 8 ao norte de Finisterre, podendo alcanzar ocasionalmente forza 9.
En canto á alerta laranxa por vento, espéranse refachos de 100 km/h.
