Por E.P. | SANTIAGO DE COMPOSTELA | 08/02/2023 | Actualizada ás 10:32
Os casos de coronavirus continúan, unha xornada máis, a tendencia alcista en Galicia, con 636 activos, 15 máis que a xornada anterior, e 131 hospitalizados, dous máis.
En concreto, segundo os datos do último boletín da Consellería de Sanidade, que recompila ata as 18,00 horas deste martes, nas últimas 24 horas detectáronse 63 positivos e non se notificou ningún novo falecemento.
Por áreas sanitarias, a que ten máis casos activos é a de Santiago, con 135, que experimenta ademais o incremeto máis importante. Tamén soben os casos activos en Lugo, que ten 94, en Vigo, con 82, e en Ferrol, onde son 63. A área da Coruña mantense con 128 casos activos e baixan en Ourense (74) e lixeiramente en Pontevedra (60).
En canto aos hospitalizados, case todas as áreas repiten as cifras do último boletín: 34 na Coruña, 19 en Lugo, 16 en Santiago, 16 na área de Vigo e 8 en Ferrol. En Pontevedra hai un enfermo menos no hospial, 20, e en Ourense aumentan en tres, ata os 18.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.