Os proxectos eólicos de Galicia, entran o pleno da vindeira semana
O vicepresidente primeiro abordará o desenvolvemento eólico no pleno e o BNG leva a súa comisión de investigación.
Por Europa Press / Redacción | SANTIAGO DE COMPOSTELA | 14/02/2023 | Actualizada ás 14:57
O vicepresidente primeiro da Xunta e conselleiro de Economía, Industria e Innovación, Francisco Conde, comparecerá a petición propia no próximo pleno do Parlamento para abordar a tramitación dos parques eólicos nunha sesión na que, precisamente, o BNG introduciu a súa petición de comisión de investigación sobre esta mesma cuestión.
Concretamente, Galicia vén dunha etapa de "autorizacións intensas", en palabras do portavoz parlamentario do PPdeG, Pedro Puy, co visto e prace a 84 parques, 77 deles por parte da Xunta e outro sete a cargo do Goberno central, xa que superaban os 50 megawatts de potencia.
Neste escenario, Conde abordará as perspectivas do desenvolvemento eólico en Galicia, un desenvolvemento que o PPdeG di que ten que darse con todas as "garantías" ambientais e de "respecto" a outras actividades como a gandaría.
Con todo, o BNG, como anunciou este martes o seu viceportavoz parlamentaria, Olalla Rodil, introduciu unha petición de comisión de investigación para abordar a tramitación dos parques eólicos, xa que o PP "perdoou" ás empresas o desenvolvemento ou monetización de plans industriais vinculados aos megawatts concedidos pola Administración, como denunciou o colectivo Adega ante a Fiscalía no caso da compañía Greenalia nos parques de Campelo e Lamas de Feás.
Rodil advertiu de que o Goberno galego leva "meses ocultando" a información, "incluída" a que se solicitou a través do artigo 9 do regulamento. Por iso, reclaman "luz e taquígrafos" nas tramitacións dos parques eólicos.
