A xente segue circulando borracha polas cidades galegas
Interceptados en Lugo este fin de semana catro condutores que triplicaban a taxa de alcol permitida.
Por Europa Press / Redacción | LUGO | 20/02/2023 | Actualizada ás 11:27
A Policía Local de Lugo interceptou este pasado fin de semana a catro condutores que triplicaban a taxa de alcol permitida, tras levar a cabo un dispositivo nocturno de controis durante as noites do venres e do sábado.
En concreto, un condutor foi 'cazado' na avenida de Ramón Ferreiro sen carné de conducir por non obtelo nunca e cunha taxa de alcoholemia de 1,01 miligramos por litro de aire expirado, o que supón catro veces máis da permitida.
Tamén outro home foi interceptado na mesma vía triplicando a taxa de alcol permitida e sen carné, retirado por orde xudicial. En Rolda Norte, un vehículo estaba a ser conducido por unha muller que deu resultado positivo de 0,72 mg/l, mentres que na Avenida da Coruña outro condutor arroxou 0,79 mg/l nas probas de alcol.
Ademais, a Policía Local tamén detectou a polo menos outro tres condutores que resultaron positivo nas probas do alcol, con taxas que non superaban o 0,50 mg/l.
