O cupón da ONCE reparte 350.000 euros en Padrón

O cupón diario da ONCE repartiu 350.000 euros na localidade coruñesa de Padrón, con 10 participacións premiadas con 35.000 euros cada unha no sorteo do pasado luns, día 20 de febreiro. Foi o vendedor David Vázquez o que repartiu a sorte aos veciños da zona durante a ruta que realiza por Padrón.

O cupón tamén deixou premios en municipios de Almería (280.000 euros), de Huelva (350.000 euros) e de Sevilla (280.000 euros). O cupón diario pon en xogo un premio de 500.000 euros ao número máis a serie, e 49 premios de 35.000 euros ao cinco cifras do número premiado.