Ileso un parapentista tras quedar enganchado na ponte da Illa de Arousa
Logrou soltar os cables coa axuda dun particular e deixouse caer á auga
Por Europa Press / Redacción | Arousa | 22/02/2023 | Actualizada ás 19:31
Un parapentista resultou ileso despois de sufrir un accidente ao engancharse uns cables do seu equipo de voo na estrutura da ponte da Illa de Arousa. Segundo informou o CIAE 112 Galicia, os feitos ocorreron sobre as 16,45 horas da tarde, cando unha persoa chamou a Emerxencias para indicar que un paracaidista necesitaba axuda, xa que os cables do seu equipo quedaron enganchados na estrutura da ponte.
O 112 avisou á Garda Civil, Policía Local, Policía Autonomica, Bombeiros do Salnés e ás autoridades responsables do control aéreo na zona. Así mesmo, deuse aviso a Urxencias Sanitarias 061 por se o deportista necesitase atención sanitaria.
Finalmente, o paracaidista logrou soltar os cables coa axuda dun particular e deixouse caer á auga, nadando logo ata a beira. A propia Policía Local contactou co 112 para informar de que esa persoa xa estaba en terra e que se atopaba en bo estado de saúde.
