Rescatada unha muller da auga no paseo marítimo de Cambados

Axentes da Policía Local rescataron a unha muller da auga no paseo marítimo de Cambados, pasadas as 16,30 horas deste domingo. Segundo informou o 112, a muller foi atendida por persoal sanitario. Os membros de Protección Civil de Cambados colaboraron para trasladar á implicada en padiola ata a ambulancia.

Os xestores do 112 informaron a Urxencias Sanitarias de Galicia-061, a Salvamento Marítimo, ao Servizo de Gardacostas de Galicia, á Garda Civil, á Policía Local e aos membros de Protección Civil de Cambados.

Os servizos de emerxencias desprazáronse ao lugar, onde os axentes da Policía Local conseguiron rescatar á persoa da auga e levala en padiola ata a ambulancia, en colaboración cos membros de Protección Civil do municipio. Alí foi atendida polo persoal sanitario.

Paseo marítimo de Cambados | Fonte: Mancomunidade do Salnés