A Xunta e o sector da estética galega avalían vías de colaboración e a reivindicación para baixar o IVE

O vicepresidente primeiro da Xunta, Francisco Conde, reuniuse esta semana con representantes da Federación de Empresarios de Asociacións de Perruquerías e Estética de Galicia (Fepega), cos que avaliou posibles vías de colaboración e as súas reivindicacións, principalmente a que pide unha baixada do IVE.

Segundo informa o Goberno galego, ao encontro acudiron, ademais do vicepresidente e conselleiro de Economía, Industria e Innovación, o director xeral de Comercio e Consumo, Manuel Heredia, e o presidente da Fepega, Jesús Saiz.

Na reunión, a Xunta transmitiulles diferentes ferramentas da Administración autonómica a disposición destes negocios en campos como a eficiencia enerxética, a dixitalización e a formación. Do mesmo xeito, exploráronse novas vías de colaboración para a reactivación do sector.

Así mesmo, Francisoc Conde escoitou as propostas do colectivo, entre as que se atopan a redución do IVE, que conta co apoio do Goberno galego.

O vicepresidente primeiro da Xunta e conselleiro de Economía, Francisco Conde, e o director xeral de Comercio e Consumo, Manuel Heredia, reúnense coa Federación de Empresarios de Asociacións de Perruquerías e Estética de Galicia.. XUNTA | Fonte: Europa Press