Rueda ve o PP como a forza máis votada e Feijóo está "cada vez máis cerca de ser presidente de España"

O presidente da Xunta e líder do PPdeG, Alfonso Rueda, manifestou este luns, en relación ás últimas enquisas electorais publicadas, que "coinciden todas en maior ou menor medida" en que "o PP vai ser a forza máis votada" e en que o seu líder, Alberto Núñez Feijóo, "cada vez ten máis oportunidades de gobernar".

Rueda incidiu en que algunhas das sondaxes publicadas non teñen aínda en conta "a última actualidade política en España", con respecto á irrupción de Sumar, mentres que outras "si", pero todas apuntan a un PP, con Feijóo á fronte, "cada vez máis consolidado".

"O que vexo é que o PP mantén unha estabilidade por riba moi potente e á alza cando aínda quedan uns meses", agregou, antes de incidir en que é o contrario "do que se tenta" trasladar "desde a esquerda constantemente".

O líder do PP galego suxeriu, en declaracións aos medios á súa chegada a Génova, que "probablemente" os adversarios de Feijóo lanzan esta mensaxe porque saben que ocorre o contrario. "Cada vez vexo máis preto a Feijóo de chegar á Moncloa e ser presidente de España", resolveu.

Rueda e outros dirixentes do PP na xunta directiva nacional.. Eduardo Parra - Europa Press | Fonte: Europa Press