Por E.P. | SANTIAGO DE COMPOSTELA | 10/04/2023 | Actualizada ás 19:58
O Concello de Vilagarcía solicitou á Xunta de Galicia a concesión da subvención anual para a contratación de 10 socorristas dos 12 que necesita para atender as súas praias no verán.
En concreto, a petición tramitada demanda financiamento para contratar a xornada completa durante tres meses a 10 vixiantes, o número máximo que permite a liña de axudas deste ano, polo que o Concello terá que asumir a contratación de dúas máis para completar o servizo nos areais da Concha, Compostela, Preguntoiro e Campanario.
A subvención solicitada ascende a 51.000 euros aos que o Concello deberá engadir 1.800 euros máis para completar os custos salariais correspondentes. A pesar diso, haberá que esperar a que a Xunta resolva a convocatoria para coñecer a contía das axudas concedidas e o número de socorristas que se poderán contratar con ela, indicou o Concello nun comunicado.
"Dado o axustado prazo nos que a Consellería de Emprego adoita resolver esta convocatoria, o Concello tamén solicitou autorización para iniciar os procesos de selección de persoal sen necesidade de esperar á resolución", engadiu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.