Santiago celebra a festa do comercio local 'Prima 23' o primeiro fin de semana de maio
Está promovida polo Concello de Santiago.
Por E.P. | SANTIAGO DE COMPOSTELA | 12/04/2023 | Actualizada ás 13:48
O alcalde de Santiago, Xosé Sánchez Bugallo, sinalou este mércores, tras reunirse cos comerciantes da cidade, que a nova edición da festa do comercio local 'Prima 23' celebrarase os próximos días 4, 5 e 6 de maio.
Sánchez Bugallo indicou en declaracións aos medios que "se está organizando todo", en referencia ás actuacións musicais e eventos que axudarán a dinamizar as rúas onde se sitúan os comercios. Así, sinalou que "servirá de reforzo da campaña de primavera".
Desta forma, apuntou que con 'Prima' "xa se inicia unha secuencia bastante festiva", posto que nos dous fins de semana seguintes celebraranse o Banquete de Conxo e as Festas da Ascensión. Así mesmo, alcalde e comerciantes abordaron como está a evolucionar o sector e os temas que lles preocupan como "os derivados da subida de prezos e da súa posible repercusión no consumo", que "de momento vai unha certa normalidade".
