Por Europa Press / Redacción | SANTIAGO DE COMPOSTELA | 19/04/2023 | Actualizada ás 13:12
Un home de 42 anos foi arrestado pola Garda Civil como presunto responsable da queima de varios colectores de lixo no centro de Silleda. Segundo informou este mércores a Garda Civil, a detención produciuse o pasado sábado 15 de abril unha vez concluídas as pescudas iniciadas a comezos do mes de marzo.
Durante varias madrugadas de fins de semana, o presunto autor destes feitos dedicouse a camiñar polas rúas de Silleda para prender lume aos colectores, aos que botaba un líquido acelerante. A investigación derivou na identificación deste home, de 42 anos e veciño de Silleda, ao que se lle imputan danos no mobiliario urbano valorados en 7.700 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.