A Xunta abre este mércores o prazo de solicitude de axudas para mellorar a eficiencia enerxética nas empresas
O programa conta cun orzamento de 7,5 millóns de euros.
Por E.P. | SANTIAGO DE COMPOSTELA | 09/05/2023 | Actualizada ás 16:04
O prazo de solicitude das axudas para fomentar o aforro e a eficiencia enerxética nas empresas galegas comeza este mércores, 10 maio, tal e como destacou o vicepresidente primeiro e conselleiro de Economía, Francisco Conde.
Cun orzamento de 7,5 millóns, o programa de apoios prevé axudas de ata 1 millón por proxecto con intensidades de entre o 35% e 55% segundo o tamaño da empresa beneficiaria, correspondendo a máxima ás pequenas empresas.
A principal novidade e que incorpora unha liña específica para iniciativas que reduzan as emisións de gases nun 30%. A convocatoria ten carácter bianual e as axudas concederanse por concorrencia non competitiva.
O vicepresidente informou destas axudas durante unha visita este martes as instalacións de Grupimar no Porriño (Pontevedra), da que informou o seu departamento nun comunicado e na que puxo á empresa como exemplo de compromiso coa eficiencia enerxética xa que utilizaron estas axudas para renovar a súa maquinaria e beneficiarse das enerxías renovables grazas á instalación de placas fotovoltaicas.
Conde destacou a traxectoria de Grupimar, que leva máis de tres décadas exportando o granito galego a todo o mundo con obras en Francia, Irlanda, Turquía ou Estados Unidos e contribuíndo aos liderados de Galicia neste sector.
