O Consello Galego de Relacións Laborais conta con dous novos membros en representación da CEG

O Diario Oficial de Galicia (DOG) publica este mércores unha orde pola que se nomean novos membros do Consello Galego de Relacións Laborais en representación da Confederación de Empresarios de Galicia (CEG). A orde, da Consellería de Promoción do Emprego e Igualdade, explica que a CEG fai uso da posibilidade de substitución de integrantes para acordar o nomeamento dun novo membro titular e doutro suplente do pleno do Consello de Relacións Laborais.

Así, nomea membro titular do pleno a José Carlos García Cumprido, secretario de Fegatramer, en substitución de Carlos Oliete Fernández, o que fose director de Ferroatlántica en Cee e Dumbría e é membro do comité de industria da ICOIIG. Tamén nomea membro suplente a María del Mar Barreiro Mariño, responsable do departamento económico da CEG, que no seu caso substitúe a Marta Amate López, quen era directora do servizo de formación, orientación e emprego da patronal galega.

A directora xeral de Relacións Laborais, Elena Mancha, inaugura, por videoconferencia, a xornada A Ultractividade indefinida: novidades e desafíos tras a reforma laboral, organizada polo Consello Galego de Relacións Laborais.. CONCHI PAZ | Fonte: XUNTA