A Deputación da Coruña celebra este venres un concerto en homenaxe a Zeca Afonso e Rosalía de Castro

A área de Normalización Lingüística da Deputación da Coruña organizou este venres día 19 un concerto en homenaxe a Zeca Afonso e Rosalía de Castro con motivo da celebración esta semana do Día das Letras Galegas.

O evento terá lugar no teatro Colón da cidade herculina. As entradas xa se poden retirar de maneira gratuíta na súa páxina web. Segundo explica o organismo provincial nun comunicado, o grupo Canto D'Aqui contará no escenario coa colaboración de Pedro Jóia e Iria Estévez, nun recital que ten como obxectivo enxalzar a estas dúas figuras da cultura galega.

Os actores galegos Isabel Risco e Fran Rei serán os "invitados especiais" a este espectáculo.

Testemuño da primeira xira por Galicia de Zeca Afonso (dereita), xunto co cantautaro galego Benedicto Garcia Villar, en 1972 | Fonte: www.aja.pt.