Atopan no río Avia o corpo do futbolista David García Mitogo
Desaparecera o pasado 11 de maio.
Por Europa Press / Redacción | OURENSE | 23/05/2023 | Actualizada ás 11:19
Efectivos do Grupo de Emerxencias Supramunicipais de Ribadavia localizou no río Avia o corpo sen vida do futbolista David García Mitogo, desaparecido desde o xoves 11 de maio.
O cadáver do xogador do Atlético Arnoia de 32 anos foi achado na mañá deste martes, segundo confirmaron fontes da Garda Civil. Este luns, o operativo de procura centrouse nas inmediacións da ponte da Barca tras ser localizado na zona un plumífero que podería ser do desaparecido.
O futbolista foi visto por última vez na mañá do xoves 11 de maio nun bar de Arnoia, localidade na que residía. Nun primeiro momento o operativo centrouse na ponte sobre o río Avia, que une os municipios ourensáns de Arnoia e Ribadavia, onde foi localizado o móbil do futbolista, quen enviou unha serie de mensaxes ás súas achegados horas antes de que se lle perdese o rastro.
Nacido en Guinea Ecuatorial, Mitogo formouse nas categorías inferiores de Club Deportivo A Morenica e Sociedade Deportiva Ponferradina e desempeñou boa parte da súa carreira en equipos galegos como O Barco, SD Compostela, As Somozas ou Arenteiro.
