Suárez (Ferrol en Común) pide que PP e PSOE "non embarren" o campo electoral

Pide recuperar "o modelo de cidade" que se perdeu nestes últimos catro anos.

Por E.P. | | 26/05/2023 | Actualizada ás 13:24

Comparte esta noticia

O candidato de Ferrol en Común á Alcaldía desta cidade, Jorge Suárez, afirmou que esa formación política "pode ser unha alternativa real para liderar a esquerda" xa que, asegurou, ten "as mellores propostas en materia de urbanismo, de cultura, de benestar e de participación", e "a recepción social" das súas ideas está a ser "cada día máis óptima, en cada acto, en cada repartición", recibindo "todo o agarimo da xente".

Así o trasladou este venres durante un acto electoral na sede de campaña da coalición conformada por Esquerda Unida e Anova por el liderada. "O noso compromiso é recuperar a Alcaldía, volver tomar a senda que deixamos atrás no ano 2019, recuperar ese modelo de cidade que se perdeu", manifestou, ao mesmo tempo que incidiu en lamentar que este último tramo de campaña, nestes últimos días, "fora embarrada polos dous grandes partidos".

Nese sentido, reclamou "limpeza nas campañas electorais" porque non son "un bo exemplo de cara á sociedade, estas cuestións que non forman parte da política real que debe interesar á cidadanía en materia de propostas concretas".

Jorge Suárez
Jorge Suárez | Fonte: Ferrol en Común

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta