Mario Brión (@olaxonmario): "Deberíase valorar moito máis o meu contido que o de Esther Estévez"

Xa temos aquí o primeiro episodio de Laretando, o novo pódcast do Galicia Confidencial! Nel, imos falar con creadores de contido galegos para coñecelos un pouquiño máis alá das pantallas.

No noso primeiro episodio temos a Mario Brión, máis coñecido en redes como @olaxonmario, un gran comunicador galego e unha gran persoa coa que pasamos un moi bo rato e coa que falamos dos seus inicios nas redes, do seu pódcast e de ser de Boiro, de deporte e tamén dos Premios Mestre Mateo, aos que estivo nomeado este ano como mellor comunicador.

Ah! E como non, tamén había que soltar algún que outro "dardiño"  -Esther Estévez prepárate aínda que te quere e te queremos ben ;-)- que a nós o que nos interesa son as "laretas" das redes sociais e xa avisamos que neste episodio hai moooito diso.