O PSdeG agarda unha presenza "masiva" no mitin de Pedro Sánchez en Lugo
Por Europa Press / Redacción | SANTIAGO DE COMPOSTELA | 17/07/2023 | Actualizada ás 12:54
O PSdeG prepara para o vindeiro xoves, día 20 de xullo, un mitin do presidente do Goberno e candidato socialista, Pedro Sánchez, na cidade de Lugo.
A cita, que terá lugar no penúltimo día da campaña electoral para as eleccións xerais do próximo domingo, terá lugar no Auditorio Gustavo Freire ás 18,30 horas. Polo momento Ferraz aínda non confirmou o acto.
Así o destacou o secretario xeral do PSOE coruñés, Bernardo Fernández, quen asegurou que para os socialistas galegos é un acto "importante" que mostra o compromiso do presidente e do seu Goberno con Galicia. "É o Goberno máis galego da historia, o que máis investimentos realizou neste territorio nas últimas décadas", destacou.
O secretario provincial do PSOE coruñés asegurou que sabían que Sánchez tiña "ese compromiso" e "esas ganas de estar en Galicia nesta campaña". "E vaise a ver cumprido loxicamente este xoves cunha mobilización masiva", sostivo.
Fernández destacou que o mitin servirá para trasladar aos galegos os compromisos e as propostas concretas que ten este goberno para mellorar a vida dos cidadáns "fronte a quen está instalado na mentira e na demagoxia".
