A Xunta outorga axudas para a creación de superficies forestais en máis de 1.600 hectáreas de monte

A Xunta de Galicia destina tres millóns de euros en axudas a case un centenar de beneficiarios para a creación de superficies forestais en algo máis de 1.600 hectáreas de monte. Segundo informa a Consellería do Medio Rural, o Diario Oficial de Galicia (DOG) publica este luns a resolución das axudas para a creación das superficies forestais.

Agora serán un total de 99 persoas as que se beneficiarán das axudas, cofinanciadas polo Fondo Europeo Agrícola de Desenvolvemento Rural (Feader) no marco do programa de desenvolvemento rural de Galicia 2014-2020.

Esta partida contaba inicialmente cun orzamento dun millón de euros pero, tras recibir numerosas solicitudes que cumprían os requisitos, a Xunta optou por levar a cabo unha ampliación do crédito.

Aspecto dunha leira tallada de piñeiro entre dúas grandes masas de eucalipto en Candaido, A Fonsagrada | Fonte: Carlos Castro - Europa Press - Arquivo