Carolina Iglesias, de 'Estirando el Chicle', madriña de Brión no Grand Prix esta noite
Enfronte, estará Goyo Jiménez, apoiando ao pobo de Yepes, de Toledo.
Por Europa Press / Redacción | SANTIAGO | 31/07/2023 | Actualizada ás 14:44
Tras o regreso de 'O Gran Prix do Verán' á 1, este luns será o turno de Brión, que se enfrontará nesta competición televisiva reformulada ao pobo de Yepes (Toledo).
Segundo informou RTVE en nota de prensa, a cómica e presentadora de televisión Carolina Iglesias (coñecida por 'Estirando el Chicle'), madriña do equipo galego, e Goyo Jiménez, padriño do equipo manchego, estarán no programa, que conta con xogos novos, como A Gardaría, Abellas ás tolas, Gaivotas Malotas, Escala como poidas, Tiro ao pingüipato e Alicia no país das caidillas. Todo iso coa vaquilla María Fernanda.
Producido por RTVE en colaboración con EuroTV Producións (Grupo iZen), segue tendo a Ramón García como mestre de cerimonias desta competición entre localidades españolas.
