Permanecen ingresados dous dos feridos na explosión de Ordes, un moi grave
Por E.P. | SANTIAGO DE COMPOSTELA | 01/08/2023 | Actualizada ás 13:31
O home de 88 anos ferido moi grave na explosión de gas no seu piso en Ordes segue ingresado no complexo hospitalario universitario da Coruña (Chuac) en estado estable, segundo informaron fontes hospitalarias consultadas por Europa Press.
En concreto, mantense sen cambios, ingresado na Unidade de Queimados do Chuac e cun prognóstico moi grave, apuntaron as mesmas fontes. No caso do home de 68 anos trasladado ao Hospital Clínico de Santiago, a súa evolución é favorable tras ser trasladado a planta, previo ingreso na UCI.
Como resultado da explosión de gas, ocorrida o pasado día 26, resultaron feridas catro persoas, unha delas unha menor que foi dada de alta no lugar e outra cuarta persoa que foi atendida nun centro sanitario de Ordes.
