A borrasca 'Patricia' trae un tempo outonal a Galicia en pleno verán
A partir da semana que ven o tempo volverá a ser o propio para esta época do ano.
Por Europa Press / Redacción | Santiago de Compostela | 02/08/2023 | Actualizada ás 13:41
A borrasca 'Patricia' nomeada polo servizo meteorolóxico francés tamén se deixará sentir na costa norte da Península, con ventos e ondada intensa e unha "brusca" baixada das temperaturas, que deixarán un xoves e venres máis fríos do normal para a época na metade norte peninsular, segundo informou a Axencia Estatal de Meteoroloxía (AEMET).
Segundo o AEMET, a borrasca Patricia é a décimo sexta da tempada de borrascas 2022-2023 e segundo o portavoz, Rubén do Campo, é "a primeira vez" que se nomea unha borrasca no mes de agosto desde que se puxo en marcha o programa de nomeamento no ano 2017. Por tanto, confirma que a tempada, que comezou o 1 de setembro de 2022 e terminará o 31 de agosto xa é a de maior número de borrascas de gran impacto nomeadas.
'Patricia' é unha borrasca "inusualmente profunda" para o mes de agosto e entre ela e o anticiclón dos Azores crearase un corredor de ventos fríos do noroeste, que provocarán un acusado descenso térmico.
O portavoz do AEMET, Rubén do Campo, avisa así dunha "baixada brusca das temperaturas en boa parte da Península e Baleares", xa que o mercurio quedará entre 5 e 10 graos centígrados por baixo dos valores habituais para esta época na metade norte. Do Campo precisa que este descenso "tan importante" dos termómetros estará causado polos ventos que xerará ese corredor provocado pola diferenza de presión atmosférica entre o anticiclón dos Azores e a borrasca 'Patricia', que circulará polo norte de Europa.
Durante o xoves e o venres os ceos estarán nubrados e con choivas no norte de Galicia e nas comunidades cantábricas. En concreto, o xoves esperase que tras o paso dunha fronte fría impulsado por Patricia empecen a chegar ventos do noroeste que farán caer as temperaturas e que arrastrarán nubes con choivas ata o norte de Galicia.
OUTONO EN AGOSTO
O venres o máis significativo será o vento forte, que soprará con refachos intensos en zonas do norte da Península, polo que aumentará a "sensación desapracible" xa que será "case un día otoñal" na outra parte da Península, con choivas no norte de Galicia, Cantábrico e Pireneos.
