Ascenden a 224 as praias galegas libres de tabaco ao sumarse neste 2023 outros dez areais
Algunhas das novas praias que se suman a esta listaxe son Area Maior ou o Portiño no Concello de Muros ou a de Mera ou Espiñeiro en Oleiros.
Por E.P. | Santiago de Compostela | 11/08/2023 | Actualizada ás 17:15
Ata 224 praias de Galicia están libres de tabaco ao sumarse neste ano 2023 outros dez areais, tal e como asegurou na mañá deste venres a directora xeral de Saúde Pública da Xunta, Carmen Durán, nunha visita realizada o municipio de Cabanas, concretamente á praia da Magdalena, onde estivo acompaña do seu alcalde, Fernando Couce (PP).
Os novos espazos no que está prohibido fumar son Area Maior, Agrocovo, O Fogareiro, O Portiño do maio e Reimúndez, todas elas en Muros. Tamén Espiñeiro, Mera, Naval-Santa Cruz e Santa Cristina, na zona de finalización do río, en Oleiros, ademais da visitada pola integrante do Goberno galego, todas na provincia da Coruña, totalizando xa "80 municipios inscritos na rede galega de 'Praias sen Fume'", un programa que se puxo en marcha "no ano 2016, sendo Galicia a primeira comunidade que puxo en marcha un proxecto deste tipo".
Segundo Durán esta iniciativa ten por unha banda "un fin educativo e de sensibilización social", xa que trata de "promocionar unha vida sen tabaco, a desnormalización o seu consumo na nosa sociedade".
Pola súa banda, o alcalde de Cabanas quixo "agradecer á Xunta todos os esforzos que está a facer para conseguir unha poboación, cunhas condutas saudables, cunha saúde envexable". Ademais, aproveitou para detallar que "Cabanas é un municipio comprometido co deporte e a vida saudable polo que estamos encantados de poder participar nesta rede de praias sen fume e así acceder a un nivel de ouro, polo que temos as dúas praias libres de tabaco".
