Podemos recorre a Fiscalía que investigue a suposta expulsión de 8 refuxiados dun autobús de Ourense

Podemos Ourense expresou "a súa máis firme condena" pola suposta expulsión de refuxiados dun autobús da cidade, anunciado que recorreu a Fiscalía para que investigue se houbo delito. Nun comunicado, o portavoz de Podemos Ourense, Francisco Diéguez, lamentou que a discriminación por motivo de orixe ou raza "non pode ter cabida nin no transporte público nin en ningún outro ámbito da vida social".

"Non imos permitir que feitos tan graves pasen sen consecuencias", subliñou, asegurando que presentou un escrito ante Fiscalía solicitando a apertura dunha investigación para determinar se os feitos son constitutivos dun delito de odio ou discriminación. "Esiximos que se depuren responsabilidades e que a empresa Monbus e as institucións públicas garantan os dereitos de todas as persoas, con independencia da súa procedencia. A nosa cidade merece ser un exemplo de respecto, igualdade e convivencia", subliñou. Os feitos ocorrerían o 11 de abril na liña que fai o percorrido Ourense-Allariz, onde 8 novos refuxiados serían obrigados a baixar do vehículo "sen causa xustificada".

Viaxeiros subíndose a un autobús da compañía Monbus | Fonte: MOMBUS - Arquivo