Fin de semana tráxico en Galicia con tres persoas mortas e 71 feridas
Por Europa Press / Redacción | SANTIAGO DE COMPOSTELA | 28/08/2023 | Actualizada ás 11:03
O último fin de semana de agosto de 2023 deixou un balance de tres persoas mortas e 75 feridas nun total de 51 accidentes de tráfico rexistrados nas estradas galegas entre o mediodía do venres e a madrugada do domingo.
Segundo o balance ofrecido este luns por Urxencias Sanitarias 061, Pontevedra foi a provincia con máis sinistralidade viaria durante este fin de semana con 21 accidentes, mentres que na Coruña houbo 17, en Lugo, 5, e en Ourense, 8.
Un terzo dos feridos atendidos polos efectivos mobilizados polo 061 tiñan idades comprendidas entre os 20 e os 34 anos. Ademais, en 60 ocasións os feridos foron evacuados a centros sanitarios e en 12 atendéronse no propio lugar do incidente.
No caso do tres persoas falecidas, todos morreron no punto do sinistro, segundo informou o 061 nun comunicado.
